Friday, April 19, 2013

اهالينا لازم يفهموا!


اهالينا لازم يفهموا ان مش بس عشان اعمارنا نص اعمارهم اننا عايشين في هنا "و في اية ممكن يكون مضايقك؟"...لازم يفهموا ان زماننا و تحدياتنا اصعب...لازم يفهموا ان كل ما الكون الكئيب بيكبر عمره.. احنا اللي بنعجز...لازم يفهموا ان يمكن زماننا ادانا فرص نعيش تحديثات لم يعيشوها..و ادانا فرص تجارب اكتر...بس لازم يفهموا ان فرصتهم و زمانهم اداهم براح يتنفسوا عن ما زماننا ادانا...لازم يفهموا ان مش عشان احنا في اوائل العشرينيات نبقي سعداء مرتاحين البال..لازم يفهموا ان متطلبات الوظيفة والرأسمالية اللي توحشت والحروب اللي تطورت في 2013 اضعاف اضعاف مطلباتهم في السبعينات! لازم يفهموا اننا مش جماد...اجسامنا بس اللي بتتعب...اة عادي نعيش و ناكل و نشرب بقلوب مكسورة فمتزودوهاش علينا...و زي ما لازم يفهموا اننا مكبرناش اوي كدة عشان تبقي كل الصعوبات دي بالنسبة لنا عادية زي ما هما فاكرين...لازم بردو يفهموا اننا اة مكبرناش...بس مش صغيرين...و نقدر بردو نمشي حياتنا دون توجيهات في كل كبيرة و صغيرة و ان متبعناهاش نبقي اغبياء وناكرين الجميل و فاكرين اننا عايشين وحدنا...عمري ما هاشكك في خوفهم علينا...بس الضغط...مبقاش في قاع ننزل فيه من كتر الضغط...سيبونا...احنا تحت الارض ...بس بنتبسم!
لازم يفهموا ان "حقك عليا" اللي بتتقال بعد ما بيفهموا علي قد ما بتريح...علي قد ما بتكسر قلبك انهم قالوها لعيل جابوه و شقيوا عشانه!

اهالينا لازم يفهموا...لازم يفهموا!

2 comments: